Veðurspá

Veðurspá fyrir Hlíðarfjall 5. apríl til 8. apríl. Gerð 5. apríl kl. 09:15

Veðurspá fyrir Hlíðarfjall 5. til 8. apríl.

Enn ein helgin þar sem útlit er fyrir frábært skíðaveður og aðstæður.  Nýr snjór er yfir öllu eftir él síðustu daga.  Endurkast í sólinni er því mikið og birta skær bæði fyrir húð og augu. 

Smáél fram eftir degi, en síðan rofar til. Hægviðri. Frost 1 til 2 stig í dag, en stjörnubjart og kalt í nótt. 

Hægur vindur eða logn og allt að því heiðríkja og vorsólin er sterk að auki með endurkasti frá nýjum snjónum í brekkunum.  Munið sólvörnina !  Hiti um frostmark yfir miðjan daginn, en aftur frystir um kvöldið.

Suðvestan gola, 3-5 m/s.  Skýjað með köflum og smáél, einkum um morguninn.  Léttir aftur til um kvöldið. Vægt frost að deginum, en talsverður gaddur um kvöldið og nóttina.

Sunnan andvari og enn einn sólardagurinn.  Frost um 5 stig um morguninn, en um 0°C yfir hádegið.