Vinir Hlíðarfjalls

Vinir Hlíðarfjalls er hópur fyrirtækja sem öll eru leiðandi í íslensku atvinnulífi. Þau vilja með samstarfssamningnum renna styrkum stoðum undir rekstur skíðasvæðisins í Hlíðarfjalli og efla þar með ferða- og atvinnumál á Akureyri.

Þann 8. mars 2006 var skrifað undir fimm ára samstarfssamning við Vini Hlíðarfjalls um stuðning við rekstur snjóframleiðslukerfis í Hliðarfjalli. Kerfið var tekið í notkun þann 17. desember 2005 og stuðlar að öruggari rekstri Hlíðarfjalls. Breytt veðurfar kallaði á aðgerðir því þótt öll mannvirki og aðstaða á svæðinu séu til fyrirmyndar er erfitt að skíða ef snjóinn vantar.

Frá því árið 2015 hafa Vinir Hlíðarfjalls unnið hörðum höndum við að safna fé til kaupa á stólalyftu. Þann 28. ágúst 2017 veitti Samherjasjóðurinn Vinum Hlíðarfjalls styrk til kaupa á lyftunni. Stefnt er að taka lyftuna í notkun í desember 2018 og verður hún kærkomin viðbót við þær skíðalyftur sem fyrir eru á skíðasvæðinu í Hlíðarfjalli.