Hlíðarfjall
Sími: 462 2280
Skrifstofa Hlíðarfjalls
Hlíðarfjall er sannkölluð skíðaparadís rétt við bæjardyrnar. Þar eru frábærar aðstæður til skíða- og snjóbrettaiðkunnar. Lyfturnar á svæðinu geta samanlagt flutt 4.920 manns á klst. en samfelldur hæðarmunur á skíðabrekkunum er um 500 metrar.
Skíðastaðir eða skíðahótelið var byggt á árunum 1955-1964 en rekstur hófst 1962. Húsið er 2450 fermetra á þremur hæðum og stendur í 506 metra hæð yfir sjávarmáli. Strýta eða Strýtuskáli stendur í um 700 metra hæð yfir sjávarmáli við enda stólalyftunnar og var byggt árið 1999. Skálinn er 120 fermetra bjálkahús. Þar er greiðasala og salerni fyrir gesti Hlíðarfjalls.
Vetraríþróttamiðstöð Íslands er starfrækt í Hlíðarfjalli en hún var stofnuð á Akureyri með staðfestingu samstarfs menntamálaráðuneytis, Akureyrarbæjar, Íþrótta- og ólympíusambands Íslands og Íþróttabandalags Akureyrar, 18. mars 1998. Í reglugerð sem menntamálaráðherra gaf út þann sama dag segir meðal annars:
"Vetraríþróttamiðstöð Íslands, VMÍ, er þjónustustofnun sem hefur að megin verkefni að efla vetraríþróttir, íþróttafræðslu og útivist og stuðla þannig að heilbrigðu lífi og heilsurækt meðal almennings, svo sem skólafólks, fatlaðra og keppnis- og afreksfólks í íþróttum með hefðbundnar vetraríþróttir, íþróttafræðslu og útivist að leiðarljósi."
Fastráðnir starfsmenn í Hlíðarfjalli
Brynjar Helgi Ásgeirsson, forstöðumaður
Charles Paul Guanci III, svæðisstjóri II
Haraldur Tryggvason, umsjónarmaður með snjótroðslu, snjóframleiðslu og skíðaleiðum
Hólmfríður Sara Friðjónsdóttir, rekstrarstjóri innanhúss Skíðastöðum
Jón Heiðar Rúnarsson, svæðisstjóri II
Jónas Stefánsson, verkefna og markaðsstjóri Hlíðarfjalls
Stefán Gunnarsson, rekstrarstjóri utanhúss Hlíðarfjall